ភាសាខ្មែរ

កម្មវិធីសិស្សអន្ដរជាតិ

បទពិសោធន៍របស់វិទ្យាល័យ Essendon Keilor

សិស្សវិទ្យាល័យ Essendon Keilor ទាំង​អស់​ នឹងត្រូវ​ផ្តល់​នូវ​​ការសិក្សារៀនសូត្រ និងការរស់នៅដ៏​សម្បូរ​បែបក្នុងសហគមន៍មួយដែលមានលក្ខណៈ​រស់​រវើក​ ដែល​ឆ្លុះ​​បញ្ចាំង​ពី​ពិភពលោកពិតៗ។ ការផ្លាស់ប្តូរនូវគំនិត ជំនឿ និង​ប្រ​ពៃ​ណី ​រវាង​សិស្សជាតិ និងសិស្សអន្តរជាតិ បង្កើតបានជាការយល់ចិត្តគ្នា និងការអភិវឌ្ឍខាងវប្បធម៌ តាមរយៈ​ការ​គោរ​ពគ្នា​ទៅវិញទៅមក និងការយោគយល់គ្នា ដែលចាំបាច់​សម្រាប់​ការ​រស់​នៅប្រកប​ដោយ​​ជោគ​ជ័យ​នៅក្នុងពិភពលោក ដែលមានទំនាក់ទំនងគ្នាដ៏​ស្អិតរមួត​របស់​យើង​។ ហើយ​ជាការពិតណាស់​​ អ្នក​មិន​អាចកាត់ថ្លៃបានទេសម្រាប់មិត្តភាពយូរអង្វែង ដែល​ត្រូវបានបង្កើតឡើងនៅ EKC នេះ។

យើងទទួលសិស្សមកពីទូទាំង​ពិភពលោក​ រួមមាន ប្រ​ទេស​ចិន​ វៀតណាម ជប៉ុន​ កម្ពុជា​ អេស៊ីប និងឈីលី។

សិស្សចូលតាំងទី​លំ​នៅបានយ៉ាងឆាប់រហ័ស និងជោគជ័យ ដោយសារតែពួកគេមានអារម្មណ៍ ថា​មាន​សុវត្ថិភាព សប្បាយរីករាយ និងទទួល​បបានការ​ទំ​នុក​បំ​រុង​យ៉ាងល្អ ទាំង​នៅ​សា​លា​រៀន និង​នៅ​ផ្ទះ។​

គ្រួសារអន្ដរជាតិជ្រើសរើសយកការអប់រំនៅវិទ្យាល័យ Essendon Keilor សម្រាប់កូនៗរបស់ពួកគេដោយសារតែ:

  • បទពិសោធន៏រៀនសូត្រដែលមានលក្ខណៈល្អឥតខ្ចោះ
  • មានភាពរឹងមាំនិងតឹងរ៉ឹងក្នុងការសិក្សា
  • កម្មវិធីរៀបចំផ្ទះសម្បែងដ៏ល្អរបស់យើងសម្រាប់សិស្ស
  • ទីតាំងសុវត្ថិភាពដែលគួរឱ្យចាប់អារម្មណ៍នៅជិតទីក្រុងនិងអាកាសយានដ្ឋាន
  • ជំនួយរបស់ពហុវប្បធម៍និងបុគ្គលិកជំនាញរបស់យើង
  • ការគាំទ្ររបស់យើងដល់សិស្សានុសិស្សដែលរួមមានកម្មវិធីតំរង់ទិស, មជ្ឈមណ្ឌលភាសាអង់គ្លេសនៅនឹងកន្លែងនិងថ្នាក់បំប៉នភាសាបន្ថែមនិងការផ្តល់ប្រឹក្សាដល់អាជីព។
  • ការប្រាស្រ័យទាក់ទងទៀងទាត់រវាងឪពុកម្តាយនិងសាលារៀនរួមមានការចូលក្នុងប្រទេសដោយតំណាងសាលា
  • ការចូលរួមរបស់បុគ្គលម្នាក់ៗចំពោះសាលារៀនដែលមានតម្លៃខ្ពស់មិនថាជាការសិក្សា, កីឡាឬនៅក្នុងកម្មវិធីសិល្បៈរបស់យើងទេ
  • សេវាកម្មពេញលេញរបស់យើងពីការប្រមូលសិស្សនៅឯព្រលានយន្តហោះនៅពេលមកដល់ដើម្បីជួយពួកគេឱ្យទទួលបានការចូលរៀននៅសាកលវិទ្យាល័យ
  • តម្លៃដ៏ប្រសើរបំផុតសម្រាប់ការចំណាយ

ស្វែងយល់បន្ថែម

សូមចុចទីនេះសម្រាប់​ព័ត៌មានស្តីពីគោលនយោបាយសុវត្ថិភាពកុមារ​របស់​យើង

សម្រាប់​ព័ត៌មានបន្ថែម សូមទាក់ទងមកកាន់អ្នកសម្របសម្រួលសិស្សអន្តរជាតិរបស់យើង​៖

 លោក​ Richard Myddleton

វិទ្យាល័យ Essendon Keilor

ប្រអប់សំបុត្រលេខ 142

Niddrie VIC 3042

ប្រទេសអូស្ត្រាលី

អ៊ីមែល៖   [email protected]

ទូរស័ព្ទ៖ ​ 61 3 9319 1300

ទូរសារ៖ 61 3 9319 1343

www.study.vic.gov.au

CRICOS code: 00861K

បរិយាកាសរៀនសូត្រ និងវប្បធម៌

ដោយសារតែជា​សង្កាត់​ស្ថិតនៅ​ជាប់តំ​បន់​កណ្តាល​ក្រុង ទី​​ប្រ​​ជុំ​​ជន​​របស់​យើង​ស្ថិត​នៅ​ក្នុង​ទី​តាំង​មួយជា​ទី​ពេញ​និយម​សម្រាប់សិស្សអន្តរជាតិ។ សួនឧទ្យាន ផ្លូវដែល​មាន​ដើម​ឈើ​ដុះ​ត្រង់​ដូចបន្ទាត់ វិទ្យា​ល័យ​ម៉ែល​ប៊ន​ និងមជ្ឈមណ្ឌល​កី​ឡា​និង​វប្បធម៌​លំ​ដាប់​ពិភព​លោកស្ថិតនៅ​ជិត​បង្កើយ ហើយងាយ​ស្រួល​ចេញ​ចូល​ដោយ​ប្រើ​សេវា​ដឹក​ជញ្ជូន​សា​ធារណៈ​។​

វប្បធម៌មិនរើស​អើង រួសរាយ​រាក់​ទាក់​កក់​ក្តៅ​របស់​យើង​ ធ្វើ​ឲ្យ​ការចូល​មក​សា​លា​រៀន​របស់​សិស្សមាន​លក្ខណៈ​ដូចគ្នា​ទៅ​នឹង​ការ​​រស់​ក្នុងក្រុមគ្រួសារអញ្ចឹងដែរ។ សិស្ស​ជាតិ​ស្វាគមន៍​ដៃគូរអន្តរជាតិខ្លួន និងរីករាយកសាង​មិត្តភាពដែលស្ថិតស្ថេរយូរអង្វែងពេញ​មួយ​ជីវិត។

 ការគាំទ្រដ៏លេចធ្លោ

ក្រុមកម្មវិធីសិស្សអន្តរជាតិរបស់យើងផ្តល់ការយក​ចិត្ត​ទុក​ដាក់ជាលក្ខណៈបុគ្គល ដែលឆ្លុះ បញ្ចាំងពីការយកចិត្តទុកដាក់ចំពោះសិស្សម្នាក់ៗ បានក្លាយទៅជាផ្នែកមួយនៃសហគមន៍ របស់​យើង។ ដោយចាប់ផ្តើមពីការទៅទទួលពីអាកាសយានដ្ឋាន និងការណែនាំសព្វគ្រប់ អំពីទីក្រុងម៉ែលប៊ន និងជីវិតជាសិស្សមហាវិទ្យាល័យ ទាំង​នេះ​ពិត​ជា​ជួយ​ទៅ​ដល់​សិស្ស​ក្នុងការស្វែងរក​នូវគន្លងសិក្សា និងអាជីពរបស់ពួកគេ។

ជោគជ័យផ្នែកសិក្សា

សិស្សអន្តរជាតិរបស់​យើង​រីក​ចម្រើន​​ក្នុងបរិយាកាសមួយ ដែល​លើក​ទឹក​ចិត្ត​ឲ្យ​មាន​ឧត្តម​ភាព​។ ឧិកាស​សិក្សា​​រៀនសូត្រដែល​អំ​ណោយ​ផល​បំ​ផុត ទាំងនៅក្នុងនិង​ក្រៅថ្នាក់​រៀន​ ជួយ​អភិវឌ្ឍយ៉ាង​​​ពេញ​លេញ​ និងផលិតបាន​នូវ​​យុវជន ​ដែល​បាន​ត្រៀម​ខ្លួន​រួច​ជា​ស្រេច​សម្រាប់​ពេល​អនាគត។ សិស្ស​ភាគ​ច្រើន​បន្ត​ការសិក្សា​ទៅ​ដល់​ថ្នាក់​ឧត្តម​សិក្សា​នៅ​តាម​សាកលវិទ្យាល័យនានា​។ សាកលវិទ្យាល័យម៉ែលប៊ន និង RMIT គឺជា​សាកល​វិទ្យាល័យ​គោល​ដៅ​សម្រាប់​ការ​សិក្សា​ដ៏​មាន​ប្រជាប្រិយ។

មជ្ឈមណ្ឌលភាសាអង់គ្លេស (ELC)

យើងមានមជ្ឈមណ្ឌលភាសាអង់គ្លេសផ្ទាល់ខ្លួននៅក្នុង​បរិវេណវិទ្យា​ល័យ​តែ​ម្តង ដែល​ធ្វើ​ឲ្យ​ការរៀនសូត្រនៅសាលានេះ កាន់តែមានភាពងាយស្រួលបន្ថែម​ទៀត។​ សិស្សអាច​ទទួល​បានការ​គាំ​ពារ​ផ្នែក​សិក្សាភាសាបន្ថែមទៀត ដើម្បី​ជួយ​ឲ្យ​មាន​ភាព​ជឿ​ជាក់​ក្នុង​ការ​ប្រា​ស្រ័យ​​ទាក់​ទងគ្នាបាន​កាន់តែឆាប់​រហ័ស។

លក្ខខណ្ឌតម្រូវសម្រាប់ការចូលរៀន

សិស្សដែលត្រូវរៀនវគ្គភាសាចំនួន 20 សប្តាហ៍នៅមជ្ឈមណ្ឌលភាសាអង់គ្លេសនោះ ត្រូវ​តែ​មាន​​របាយការណ៍ពី​ប្រទេស​កំ​ណើត ​បញ្ជាក់​ពីពិន្ទុមធ្យមភាគ 75% សម្រាប់​មុខ​វិជ្ជា​ភា​សា​អង់​គ្លេស​ និងគណិតវិទ្យា។

ចំពោះអ្នកដែលចុះឈ្មោះចូលរៀនតែម្តងសម្រាប់ថ្នាក់ទី11 ត្រូវមានលទ្ធផល​តេស្ត​ភាសា​អង់គ្លេស IELTS ពិន្ទុរួម 6.0 ដោយក្នុង​នោះ​ត្រូវ​​មាន​ពិន្ទុសម្រាប់​ជំ​នាញ​ការអាន និង​ការ​សរ​សេរ 6.0។

សិស្ស និងក្រុម​គ្រួសារ​របស់​គេ​អាច​ត្រូវ​ធ្វើស​ម្ភាសន៍ ដែល​ជា​ផ្នែក​មួយ​នៃ​ដំណើរ​ការ​ដាក់​ពាក្យ​​ចូលរៀន ដើម្បីឲ្យយើងអាចស្គាល់គ្នាកាន់តែច្បាស់ថែមទៀត។ វា​មិន​មែន​ជា​តេស្ត​ភាសា​អង់គ្លេស​នោះទេ។

គ្រូជំនាញ

​គ្រូជំនាញរបស់យើងកសាងទំនាក់ទំនង និងភាពជឿជាក់ជាវិជ្ជមានយ៉ាងឆាប់រហ័សជាមួយ សិស្សរបស់យើង ដែលបង្កើតបាន​ជាមូលដ្ឋានរៀនសូត្រដ៏មានប្រសិទិ្ធភាព។ លោកគ្រូ អ្នកគ្រូ ប្រកាន់យកនូវអភិក្រមបង្រៀន និងយុទ្ធសាស្រ្តបង្រៀន ដែលសមរម្យ​សម្រាប់​សិស្ស​​​អន្តរជាតិតាមរយៈការរីកចម្រើន និងភាពជោគជ័យរបស់គេដែល​មាន​ជា​ភស្តុតាង​ស្រាប់​។ កម្មវិ​​ធី​​ជំ​នួយ​​អប់​រំ​ពហុ​វប្ប​ធម៌​គាំ​ទ្រសិស្ស​ទៅ​លើ​ភា​សា​ទី​មួយ​របស់​គេទៅ​តាម​ការ​ចាំ​បាច់។ ពួកគេក៏ជួយ​ក្នុងការប្រាស្រ័យទាក់ទងរវាង​ក្រុមគ្រួសារ និង​ ​វិទ្យា​ល័យ​ផង​ដែរ។

កម្មវិធីសិក្សាបន្ថែម

ការចូលរួមនៅក្នុងការបោះជំរុំរបស់សាលា ដំណើរកំសាន្ត និងសកម្មភាពមួយចំនួនទៀត​រួមមាន​កីឡា តន្ត្រី របាំ ការសម្តែង និងក្លឹប នឹង​តម្រូវឲ្យ​មាន​ការ​ចូល​រួម។​ វាជួយដល់​ការវិវត្ត​ខាង​ជំនាញ​ និងការរីកលូតលាស់ជាបុគ្គលភាព ក៏​ដូច​ជា​បទពិសោធន៍រៀន​សូត្រ​ដ៏​អស្ចារ្យ​ផង​ដែរ។ យើង​បាន​ដឹង​ថា សិស្សរបស់​យើង​ពេញ​ចិត្តនឹង​ឧិកាស​រៀនសូត្រ​​ពី​​បទ​ពិសោធន៍​ទាំង​​នេះ​ ដែល​ផ្តល់ដល់​​ពួកគេសម្រាប់កសាងមិត្តភាព បង្កើតភាពសប្បាយ​រីករាយ និង​ផ្តល់​អ្វី​​មួយ​ជាពិសេស​​ទៅសាលាវិញ។ សិស្សក៏អាចរីករាយផង​ដែរ ​ជា​មួយ​នឹង​អា​ហារពថ្ងៃត្រង់ អាហារ​​ល្ងាច និងព្រឹត្តិការណ៍ពិសេសៗទាំង​ឡាយ ​ដែល​ត្រូវ​​បាន​រៀប​ចំនិងចែករំលែកទៅ​ដល់​លោកគ្រូ អ្នកគ្រូ ដើម្បីអបអរពិធីបុណ្យធំៗ​មួយចំនួន ដូចជាបុណ្យ​ចូលឆ្នាំចិន និង​បុណ្យ​សំពះ​ព្រះ​ខែជាដើម។

ការប្រឹក្សាមុខវិជ្ជាសិក្សា និងជំនាញវិជ្ជាជីវៈ

សិស្សអន្តរជាតិទាំងអស់ ត្រូវបានផ្តល់​ការ​គាំទ្រដោយ​ការ​ប្រឹក្សា​មុខ​វិជ្ជា​សិក្សា​នី​មួយៗ ​ពាក់​ព័ន្ធ​ទៅ​នឹងការ​ជ្រើស​រើស​ប្រធាន​បទ​ចេញ​ពី​ការ​សិក្សា​ផ្តល់​ជួន​ដ៏​ធំ​ទូ​លំ​ទូលាយ​។ វាក៏​ពង្រីក​ទៅដល់​ជំនាញ​វិជ្ជា​ជីវៈ​ និង​ការ​ប្រឹក្សា​មុខ​វិជ្ជា​សិក្សា​នៅ​ថ្នាក់​ឧត្តមសិក្សាផង​ដែរ។ គ្រប់​ជំ​នួយ​ចាំបាច់ទាំង​អស់​ ត្រូវ​បាន​ផ្តល់​សម្រាប់​ជួយបំ​ពេញ​សំ​ណុំ​បែប​បទ​​ទាក់ទង​​នឹង​ការ​ចុះ​ឈ្មោះ​រៀន​នៅ​ថ្នាក់​ឧត្តម​សិក្សា។

ការ​ផ្តល់​របាយការណ៍តាម​ដាន​ការ​សិក្សា

របាយការណ៍បកប្រែនឹងត្រូវបញ្ជូនទៅកាន់អាណាព្យបាលបួនដងក្នុងមួយឆ្នាំៗ។ អា​ណា​ព្យា​បាលក៏អាចតាមដានពី​ការរីកចំរើនរបស់​កូនខ្លួន​នៅ​​តាម​​ប្រ​ព័ន្ធអន​ឡាញបាន​ផង​ដែរ ហើយ​យើងមាន​បុគ្គលិកផ្នែកភាសាចិន វៀតណាម​ និង​ជប៉ុន​ជួយ​សម្រប​សម្រួល​ការ​ប្រា​ស្រ័យ​ទាក់​ទង​ជាប្រចាំជាមួយនឹងសិស្ស និងក្រុមគ្រួសាររបស់គេផងដែរ។

ការស្នាក់នៅតាម​ផ្ទះ

សិស្សអន្តរជាតិអាចជ្រើសរើសការស្នាក់នៅជាមួយគ្រួសារក្នុងស្រុកបាន។ ការស្នាក់នៅ​ដ៏​មានគុណភាពរបស់យើង ត្រូវបានជ្រើសរើសដោយបុគ្គលិករបស់យើង​ ហើយត្រូវបាន​តាម​ដាន​ដោយការចុះធ្វើ​ទស្សនកិច្ចយ៉ាងហោចណាស់ពីរដងក្នុងមួយឆ្នាំ។ ដោយសារតែ​យើង​ស្គាល់អ្នកផ្តល់ការស្នាក់នៅតាម​ផ្ទះរបស់យើងច្បាស់លាស់​ ដូចនេះ យើង​ក៏​អាច​ដាក់​សិស្ស​​របស់​យើង​ម្នាក់ៗឲ្យត្រូវទៅ​នឹងពួកគេបាន​ផងដែរ។ អ្នក​សម្រប​សម្រួល​ការ​ស្នាក់​នៅ​តាម​ផ្ទះ​របស់​យើង​ ​តែងតែមានពេលវេលា​ផ្តល់ប្រឹក្សា និងដោះស្រាយគ្រប់​បញ្ហាជូនបាន​​។ អា​ណា​ព្យា​បាល​ត្រូវបាន​លើក​ទឹកចិត្តឲ្យទាក់ទងដោយផ្ទាល់មក​កាន់​ពួក​យើង​ ប្រសិន​បើ​មាន​បញ្ហាអ្វីមួយ ឬ​ចង់​ដឹង​ពី​សុខទុក្ខកូនៗរបស់​ពួកគេ។

ដំណើរការដាក់ពាក្យសុំចុះឈ្មោះចូលរៀន

ស្នើសុំ និងបំពេញពាក្យសុំរបស់​ ក្រ​សួង​អប់រំ​ និងបណ្តុះបណ្តាល ផ្តល់​ដោយនាយក​ដ្ឋាន​អប់រំអន្តរជាតិ ដោយអនុវត្តទៅ​តាម​ដំណើរការតម្រូវ ហើយ​ត្រូវ​ភ្ជាប់​មក​ជាមួយ​នូវ​គ្រប់​ឯក​សារ​ទាំងអស់។

អ៊ីមែល៖   [email protected]

កេហទំព័រ៖ www.study.vic.gov.au

លេខទូរស័ព្ទ៖ 61 3 9651 3700